മതജീവിതം

 

#മതജീവിതം

ഒരാൾ തന്റെ വെക്തി ജീവിതത്തിലും പൊതു ജീവിതത്തിലും മതനിഷ്ഠ പാലിക്കുന്നത് ഒരിക്കലും മറ്റു മത വിശ്വാസികൾക്ക് അലോസരം ഉണ്ടാക്കുകയില്ല എന്നാണ് ഞാൻ മനസ്സിലാക്കിയിട്ടുള്ളത്,

എന്റെ അനുഭവവും അത് തന്നെയാണ്, എന്നാൽ ചിലർ പൊതു ഇടങ്ങളിൽ മതനിഷ്ഠ പാലിക്കാൻ കഴിയില്ല എന്ന് വാദിക്കാറുണ്ട്, വെക്തി ജീവിതത്തിലും പൊതു ജീവിതത്തിലും മത നിഷ്ഠ പാലിക്കാൻ ആഗ്രഹിക്കുന്ന ആളാണ് ഞാൻ,

എന്തുകൊണ്ടന്നാൽ പ്രാഥമികമായി അത് നമ്മെ സൃഷ്ഠിച്ച ദൈവത്തോടുള്ള നമ്മുടെ കടപ്പാട് ആണ്,

മതജീവിതം ഒരിക്കലും ഇതര സമൂഹത്തോട് സ്നേഹത്തിൽ വർത്തിക്കുന്നതിനെ എനിക്ക് തടസ്സം ആയിട്ടില്ല, എന്ന് മാത്രല്ല കൂടുതൽ ഊഷ്മള മാക്കുകയാണ് ചെയ്തിട്ടുള്ളത്, മതത്തിന്റെ പൊരുൾ അറിയുന്നവർ എല്ലാം അങ്ങിനെ തന്നെ ആയിരിക്കും,

എല്ലാ മനുഷ്യരും ഒരേ മാതാപിതാക്കളുടെ മക്കളാണെന്നാണ് മതം പഠിപ്പിക്കുന്നത്, അങ്ങിനെ കാണാൻ തന്നെയാണ് ഇഷ്ടപ്പെടുന്നതും,

അടുത്തിടെ സോഷ്യൽ മീഡിയയിൽ വന്ന ഒരു ഫോട്ടോ ഇതിനോടപ്പം പോസ്റ്റ് ചെയ്യുന്നുണ്ട്,

ശബരിമലയിൽ പോയി വരുന്ന വേദമോളും അടുത്തിടെ ഗൾഫിൽ നിന്ന് എത്തിയ മുസ്ലിം വിശ്വാസിനിയായ തബഷീറയും പരസ്പരം ചേർന്ന് സുഗമായി ഉറങ്ങുന്ന ദൃശ്യം (വേദയുടെ അച്ഛൻ പകർത്തിയത്),

അന്യമതസ്ഥയായ വേദമോളെ ഹൃദയത്തിൽ ചേർത്ത് പിടിക്കാൻ തബഷീറാക്കോ ഒരു മുസ്ലിമായ സ്ത്രീയുടെ മടിയിൽ സുഖമായുറങ്ങാൻ വേദമോൾക്കോ അവരുടെ വിശ്വാസം തടസ്സമായില്ല എന്നതാണ് ഈ ദൃശ്യം നമ്മെ ബോധ്യപ്പെടുത്തുന്നത്.

ഈ ദൃശ്യം നമ്മുടെ മനസ്സിൽ കൊത്തിവെക്കേണ്ട ഒന്നാണ്, പ്രത്യേകിച്ച് നമ്മുടെ സൗഹൃദവും പൈതൃകവും നാമാവശേഷമായി കൊണ്ടിരിക്കുന്ന ഇക്കാലത്തു,

വെറുപ്പും വിദോഷവും വെടിഞ്ഞു മനുഷ്യരായി ജീവിക്കാൻ നമ്മുക്ക് കഴിയട്ടെ എന്ന് ആത്മാർഥമായി പ്രാർത്ഥിക്കുന്നു...

സ്നേഹപൂർവ്വം

സിദ്ധിഖ് എ പി (kuzhingra)